മി​ഡി​ൽ ഈസ്​റ്റില്‍ ഹോസ്പിറ്റാലിറ്റി മേഖലയിൽ ഖത്തർ ഒന്നാമത്

26

ദോ​ഹ: ഖ​ത്ത​റി​​​ന്റെ ഹോ​സ്പി​റ്റാ​ലി​റ്റി മേ​ഖ​ല മി​ഡി​ൽ ഈസ്​റ്റില്‍ വീണ്ടും ഒന്നാമത്​. തു​ട​ര്‍ച്ച​യാ​യ ര​ണ്ടാം​വ​ര്‍ഷമാണ്​ ഖത്തർ ഒ​ന്നാം സ്ഥാ​നം നി​ല​നി​ര്‍ത്തുന്നത്​. ഹോ​സ്പി​റ്റാ​ലി​റ്റി, ട്രാ​വ​ല്‍ വി​വ​ര​ദാ​താ​ക്ക​ളാ​യ ‘ഒ​ലേ​രി​’യു​ടെ മി​ഡി​ൽ ഇൗസ്​റ്റിലെ അ​തി​ഥി അ​നു​ഭ​വം സം​ബ​ന്ധി​ച്ച റി​പ്പോ​ര്‍ട്ടി​ലാ​ണ് ഖ​ത്ത​ര്‍ ഒ​ന്നാ​മ​തെ​ത്തി​യി​രി​ക്കു​ന്ന​ത്. 2018 ഏ​പ്രി​ല്‍ ഒ​ന്നു മു​ത​ല്‍ 2019 മാ​ര്‍ച്ച് 31വ​രെ ബു​ക്കി​ങ് ഡോ​ട്ട് കോം, ​ട്രി​പ് അഡ്വൈസ​ര്‍ ഉ​ള്‍പ്പ​ടെ ജ​ന​പ്രി​യ വെ​ബ്സൈ​റ്റു​ക​ളി​ലെ 12 മി​ല്യ​ണി​ല​ധി​കം ഓ​ണ്‍ലൈ​ന്‍ അ​തി​ഥി അ​നു​ഭ​വ​ങ്ങ​ള്‍ വി​ല​യി​രു​ത്തി​യാ​ണ് റി​പ്പോ​ര്‍ട്ട്. ഖ​ത്ത​റി​​​ന്റെ സ്കോ​ര്‍ മു​ന്‍വ​ര്‍ഷ​ത്തെ 84.3ല്‍ ​നി​ന്നും 85.4 ആ​യി ഉ​യ​ര്‍ന്നി​ട്ടു​ണ്ട്.
അ​ടു​ത്തി​ടെ തു​റ​ന്ന ഖ​ത്ത​ര്‍ നാ​ഷ​ണ​ല്‍ മ്യൂ​സി​യം ഉ​ള്‍പ്പ​ടെ​യു​ള്ള​വ രാ​ജ്യ​ത്തേ​ക്ക് സ​ന്ദ​ര്‍ശ​ക​രെ ആ​ക​ര്‍ഷി​ക്കു​ന്നു. സേ​വ​നം, സ്ഥ​ലം, ശു​ചി​ത്വം, റൂ​മി​​​ന്റെ നി​ല​വാ​രം,  പ​ണ​ത്തി​​​ന്റെ മൂ​ല്യം തു​ട​ങ്ങി​യ​വ​യെ​ല്ലാം വി​ല​യി​രു​ത്തി​യാ​ണ് അ​തി​ഥി​ക​ളു​ടെ സം​തൃ​പ്തി ക​ണ​ക്കാ​ക്കു​ന്ന​ത്. ഖ​ത്ത​റി​ല്‍ സ്ഥ​ലം, ശു​ചി​ത്വം, സേ​വ​ന​ങ്ങ​ള്‍ എ​ന്നി​വക്ക്​ ഉ​യ​ര്‍ന്ന റേ​റ്റാ​ണ് ന​ല്‍കി​യി​രി​ക്കു​ന്ന​ത്. ഈ ​വി​ഭാ​ഗ​ങ്ങ​ളി​ലെ​ല്ലാം മേ​ഖ​ല​യി​ല്‍ മു​ന്നി​ല്‍ ഖ​ത്ത​റാ​ണ്.
ഒ​മ്പ​തി​നു മു​ക​ളി​ലാ​ണ് ഈ ​മൂ​ന്ന്​ മേ​ഖ​ല​ക​ളി​ലും ഖ​ത്ത​റി​​​ന്റെ സ്കോ​ര്‍. ഹോ​ട്ട​ല്‍ റൂ​മു​ക​ളു​ടെ ഗു​ണ​നി​ല​വാ​രം 8.9, ഭ​ക്ഷ​ണം 8.8, സൗ​ക​ര്യ​ങ്ങ​ള്‍ 8.4 എ​ന്നി​ങ്ങ​നെ​യാ​ണ് മ​റ്റു മേ​ഖ​ല​ക​ളി​ലെ സ്കോ​റു​ക​ള്‍.  ഖ​ത്ത​റി​​​ന്റെ ടൂ​റി​സം കാ​ഴ്ച​പ്പാ​ടി​​​ന്റെ സു​പ്ര​ധാ​ന എ​ന്‍ജി​നാ​യി ഹോ​സ്പി​റ്റാ​ലി​റ്റി മേ​ഖ​ല തു​ട​രു​ന്ന​താ​യി ദേ​ശീ​യ ടൂ​റി​സം കൗ​ണ്‍സി​ല്‍ സെ​ക്ര​ട്ട​റി ജ​ന​റ​ല്‍ അ​ക്ബ​ര്‍ അ​ല്‍ബാ​കി​ര്‍ പ​റ​ഞ്ഞു.