മുൻ ഈജിപ്ത് പ്രസിഡന്റ്‌ മുഹമ്മദ്‌ മുർസി കുഴഞ്ഞു വീണ് മരിച്ചു

5

കെയ്​റോ: ഈജിപ്​തിൻെറ മുൻ പ്രസിഡൻറ്​ മുഹമ്മദ്​ മുർസി ​(67) അന്തരിച്ചു. കോടതി വിചാരണ നടപടികൾ കഴിഞ്ഞയുടൻ  കുഴഞ്ഞുവീണു മരിക്കുകയായിരുന്നു.
മൂന്ന്​ പതറ്റാണ്ട്​ നീണ്ട ഹുസ്​നി മുബാറക്​ ഭരണത്തിന്​ അന്ത്യം കുറിച്ച്​ നടന്ന 2011ലെ അറബ്​ വസന്തത്തെതുടർന്ന്​ ജനാധിപത്യപരമായി തെരഞ്ഞെടുക്കപ്പെട്ട മുർസി ഒരു വർഷക്കാലമാണ്​ ഈജിപ്​തിൻെറ പ്രസിഡൻഡായിരുന്നത്​. തുടർന്ന്​ നടന്ന പ്രക്ഷോഭത്തിലൂടെ അധികാര ഭ്രഷ്​ടനാക്കപ്പെട്ട മുർസി നിരന്തരമായ കോടതി വിചാരണകളെ നേരിടുകയായിരുന്നു. തിങ്കളാഴ്​ച കോടതി നടപടികൾ കഴിഞ്ഞയുടൻ കുഴഞ്ഞുവീണ്​ മരിക്കുകയായിരുന്നുവെന്ന്​ പ്രാദേശിക മാധ്യമങ്ങളെ ഉദ്ധരിച്ച്​ അൽ ജസീറ, ബി.ബി.സി തുടങ്ങിയ ഏജൻസികൾ റിപ്പോർട്ട്​ ചെയ്യുന്നു.