സ്വദേശിവത്കരണം : കുവൈറ്റിൽ പിരിച്ചുവിടേണ്ട പ്രവാസി ജീവനക്കാരുടെ പട്ടിക തയ്യാറാക്കി

8

കുവൈത്ത്‌ സിറ്റി: കുവൈത്ത്‌ വിദ്യാഭ്യാസ
മന്ത്രാലയത്തില്‍ നിന്ന്‌ അടുത്ത സാമ്പത്തിക വര്‍ഷം പിരിച്ചുവിടേണ്ട വിദേശി പരന്മാരുടെ പട്ടിക തയ്യാറാക്കിയതായി റിപ്പോർട്ട്‌. സർക്കാർ
മേഖലയില്‍ നിന്ന്‌ അഞ്ച്‌ വര്‍ഷം കൊണ്ട്‌ എല്ലാ
വിദേശികളെയും ഒഴിവാക്കാന്‍ ലക്ഷ്യമിട്ട്‌ നടത്തുന്ന പദ്ധതിയുടെ ഭാഗമായാണ്‌ നടപടി. അടുത്ത സാമ്പത്തിക വർഷത്തിൽ മാത്രം 3000ലധികം വിദേശികളെ പിരിച്ചുവിടാനാണ്‌ തീരുമാനം.വിവിധ സര്‍ക്കാര്‍ വകുപ്പുകളിൽ നിന്ന്‌ പിരിച്ചുവിടേണ്ട
ജീവനക്കാരുടെ പട്ടിക സിവിൽ സർവീസ്‌ കമ്മീഷന്‌ സമര്‍പ്പിക്കണമെന്ന്‌ ക്യാബിനറ്റ്‌ നിര്‍ദേശിച്ചിരുന്നു. ഇതനുസരിച്ചാണ്‌ വിദ്യാഭ്യാസ മന്ത്രാലയം പട്ടിക തയ്യാറാക്കിയത്‌. അഡ്മിനിസ്ട്രേഷൻ, കണ്‍സള്‍ട്ടന്റ്‌, അധ്യാപകർ എന്നീ
തസ്തികകളിലുള്ളവരെയാണ്‌ ഒഴിവാക്കുന്നത്‌.
ആദ്യഘട്ടമായി അഡ്മിനിസ്ട്രേറ്റീവ്‌
തസ്തികളിലുള്ളവരെയായിരിക്കും പിരിച്ചുവിടുന്നത്‌. പൊതുമേഖലയില്‍ സമ്പൂര്‍ണ സ്വദേശിവത്കരണം
പൂര്‍ത്തിയാവുന്നതോടെ അടുത്ത അഞ്ച്‌
വര്‍ഷത്തിനുള്ളില്‍ 41,000 വിദേശികൾക്ക്‌ ജോലി നഷ്ടമാവുമെന്നാണ്‌ കണക്ക്‌. ആനുകൂല്യങ്ങള്‍ നല്‍കി ഇവരെ നാട്ടിലേക്ക്‌ അയക്കും.