എന്‍.എ.എം ജാഫര്‍
ദുബൈ: പണമടച്ച് കോവിഡ്-19 പരിശോധന എളുപ്പത്തില്‍ നടത്താന്‍ അബുദാബി ഹെല്‍ത്ത് സര്‍വീസസ് കമ്പനി സൗകര്യമൊരുക്കുന്നു. സെഹായുടെ സ്മാര്‍ട്ട് ആപ്ലികേഷന്‍ മുഖേനയാണ് ഇതിനുള്ള സംവിധാനമൊരുക്കിയിരിക്കുന്നത്. പരിശോധനക്ക് 370 ദിര്‍ഹം ചെലവ് വരും.
ആന്‍ഡ്രോയിഡ്, ഐഒഎസ് സ്മാര്‍ട്ട് ഫോണുകള്‍, ടാബ്ലെറ്റുകള്‍ എന്നിവയിലൂടെയും സെഹ വെബ്സൈറ്റിലൂടെയും ആപ്ലിക്കേഷന്‍ എല്ലാവര്‍ക്കും ലഭ്യമാണ്. കോവിഡ് -19 ടെസ്റ്റ് വിധേയമാക്കാന്‍ ആഗ്രഹിക്കുന്ന ആളുകള്‍, രജിസ്‌ട്രേഷന്‍ പ്രക്രിയയില്‍ ഇലക്ട്രോണിക് ആയി 370 ദിര്‍ഹം ഫീസ് അപേക്ഷയോടൊപ്പമോ അല്ലെങ്കില്‍ ടെസ്റ്റ് സെന്ററില്‍ പൂര്‍ണ്ണമായ രജിസ്ട്രേഷനും പേയ്മെന്റും അടക്കണം. സമ്പര്‍ക്കം തടയുന്നതിന് ഫീസ് പണമായി സ്വീകരിക്കുന്നതല്ല. പേയ്മെന്റിനും രജിസ്ട്രേഷനും ശേഷം കുറച്ചു നിമിഷങ്ങള്‍ക്കകം പരിശോധന നടത്തും.
ഗര്‍ഭിണികള്‍, മുതിര്‍ന്ന പൗരന്മാര്‍ ഉള്‍പ്പെടെയുള്ള ടാര്‍ഗെറ്റ് ഗ്രൂപ്പുകള്‍ക്ക് ടെസ്റ്റ് തീയതികള്‍ ബുക്ക് ചെയ്യുന്നതിന് മുന്‍ഗണന നല്‍കും. നിശ്ചയദാര്‍ഡ്യമുള്ള ആളുകള്‍, വിട്ടുമാറാത്ത രോഗങ്ങളുള്ളവര്‍, വൈറസിന്റെ ലക്ഷണങ്ങളുള്ളവരെയും പരിഗണിക്കും. അറബിക്-ഇംഗ്ലീഷ് ആപ്ലിക്കേഷന്‍ വഴിയോ അല്ലെങ്കില്‍ ഏതാനും മിനിറ്റുകള്‍ക്കുള്ളില്‍ 8007171 എന്ന നമ്പറില്‍ വിളിച്ചോ തീയതികള്‍ ബുക്ക് ചെയ്യാം. രജിസ്‌ട്രേഷന്‍ പ്രക്രിയ പൂര്‍ത്തിയാക്കുന്നതിന് പേര്, എമിറേറ്റ് ഐഡി നമ്പര്‍, ഇമെയില്‍ വിലാസം, മൊബൈല്‍ നമ്പര്‍ എന്നിവ നിര്‍ബന്ധമാണ്. അനുയോജ്യമായ ഒരു തീയതി തിരഞ്ഞെടുത്താല്‍ ബുക്ക് ചെയ്ത തീയതിയുടെ സ്ഥിരീകരണ എസ്എംഎസ് അവര്‍ക്ക് ലഭിക്കും. മേല്‍ സൂചിപ്പിച്ച പ്രത്യേക വിഭാഗക്കാര്‍ക്ക്് ടെസ്റ്റ് ഫീസ് അടയ്ക്കുന്നതില്‍ നിന്ന് ഒഴിവാക്കിയിട്ടുണ്ട്. അബുദാബി എമിറേറ്റിന് അല്‍ ഐന്‍ സിറ്റിയില്‍ രണ്ട് കേന്ദ്രങ്ങളും അല്‍ ദാഫ്ര മേഖലയിലെ രണ്ട് കേന്ദ്രങ്ങളും അബുദാബി സിറ്റിയിലെ മറ്റ് രണ്ട് കേന്ദ്രങ്ങളും ഉണ്ടായിരിക്കും. അബുദാബിയില്‍ മാത്രം ടെസ്റ്റ് സെന്ററുകളുടെ എണ്ണം 7 ആയി. ഉപയോക്താക്കള്‍ക്ക് അനുയോജ്യമായ സ്ഥലവും സമയവും തിരഞ്ഞെടുക്കാന്‍ അനുവദിക്കുന്നതിനായി എല്ലാ കേന്ദ്രങ്ങളും ഉള്‍പ്പെടുത്തുന്നതിനായി ആപ്ലിക്കേഷന്‍ അപ്ഡേറ്റ് ചെയ്യുന്നുണ്ട്. കോവിഡ് പരിശോധനക്കായി പ്രത്യേക കേന്ദ്രങ്ങളിലേക്ക് മാത്രം പോകണമെന്നും മറിച്ച് ആരോഗ്യ കേന്ദ്രങ്ങളിലേക്കും ആശുപത്രികളിലേക്കും പോകരുതെന്നും അണുബാധ പടരാതിരിക്കാന്‍ എല്ലാവരും സഹകരിക്കണമെന്നും അധികൃതര്‍ നിര്‍ദേശിച്ചു. അബുദാബിയിലെ പരിശോധന കേന്ദ്രം തുടര്‍ച്ചയായി മൂന്നാം ദിവസവും ആളുകള്‍ എത്തിയിരുന്നു. രണ്ടാം ദിവസം പരിശോധനയ്ക്ക് വിധേയരായ കേസുകളുടെ എണ്ണം 683 ആയി.
