കേരളത്തിൽ വീണ്ടും കൊറോണ : പത്തനംതിട്ടയിലെ 5 പേർക്ക് രോഗം സ്ഥിരീകരിച്ചു

36

സംസ്ഥാനത്ത് വീണ്ടും കൊവിഡ് 19 കേസ് സ്ഥിരീകരിച്ചു. പത്തനംതിട്ട ജില്ലയാലാണ് രോഗ ബാധ സ്ഥിരീകരിച്ചത്. 5 പേർക്കാണ് രോഗം പിടിപെട്ടത്.  ഇത് സംബന്ധിച്ച് ആരോഗ്യമന്ത്രി കെ vകെ ശൈലജ ഔദ്യോഗിക പ്രഖ്യാപനം നടത്തി. ഇറ്റലിയിൽ നിന്നെത്തിയവര്‍ക്കാണ് രോഗം സ്ഥിരീകരിച്ചത്. നേരത്തെ കേരളത്തിൽ മൂന്ന് പേർക്ക് കൊറോണ രോഗ ബാധ സ്ഥിരീകരിച്ചിരുന്നു. പിന്നീട് ഇവരുടെ രോഗം പൂർണമായും സുഖപ്പെട്ടു.

ആരോഗ്യമന്ത്രിയുടെ നേതൃത്വത്തിൽ തിരുവനന്തപുരത്ത് അടിയന്തരയോഗം ചേര്‍ന്നു. സ്ഥിതിഗതികൾ വിലയിരുത്തി. 637 പേരാണ് രോഗ ലക്ഷണങ്ങളുമായി നിരീക്ഷണത്തിൽ ഉണ്ടായിരുന്നത്. പുനെ വൈറോളജി ഇൻസ്റ്റിറ്റ്യൂട്ടിൽ നിന്നുള്ള പരിശോധന ഫലം വന്നതോടെയാണ് മുൻകരുതൽ നടപടികൾ ഊര്‍ജ്ജിതമാക്കാൻ യോഗം വിളിച്ചത്. പുതിയ കേസുകൾ റിപ്പോര്‍ട്ട് ചെയ്താൽ പോലും ഒരു ആശങ്കക്കും വകയില്ലെന്ന ആത്മ വിശ്വാസമാണ് ആരോഗ്യ വകുപ്പ് പ്രകടിപ്പിക്കുന്നത്.