കാലാവധി തീര്‍ന്ന വിസ പുതുക്കാന്‍ പിഴയില്ലാതെ മൂന്നു മാസത്തേക്ക് അനുമതി

    490
    അബുദാബി കിരീടാവകാശിയും യുഎഇ സായുധസേനയുടെ ഡെപ്യുട്ടി സുപ്രീം കമാന്ററുമായ ശൈഖ് മുഹമ്മദ് ബിന്‍ സായിദ് അല്‍നഹ്്്‌യാന്‍ ഉദ്യോഗസ്ഥരുമായി വീഡിയോ കോണ്‍ഫറന്‍സില്‍ സംസാരിക്കുന്നു

    ദുബൈ: റസിഡന്‍സി വിസ കാലാവധി തീര്‍ന്നാലും പുതിയ സാഹചര്യത്തില്‍ പിഴയൊന്നും കൂടാതെ പുതുക്കാന്‍ മൂന്ന് യുഎഇ മൂന്ന് മാസത്തെ സമയം അനുവദിച്ചു. കൊറോണ വൈറസ് വ്യക്തികള്‍ക്ക് ഉണ്ടാക്കുന്ന ആഘാതം കുറയ്ക്കുന്നതിന് യുഎഇ മന്ത്രിസഭ നിരവധി നടപടികള്‍ പ്രഖ്യാപിച്ചു. മാര്‍ച്ച് ഒന്നിന് അവസാനിച്ച റെസിഡന്‍സി വിസകളും എമിറേറ്റ്‌സ് ഐഡിയും പിഴയൊന്നും കൂടാതെ മൂന്ന് മാസത്തേക്ക് ഇളവ് നല്‍കും. മൂന്ന് മാസത്തേക്ക് വിസ ഓട്ടോമാറ്റിക്കായി റിന്യുവല്‍ ചെയ്യും. രാജ്യം എല്ലാ ജുഡീഷ്യല്‍ നോട്ടറൈസേഷനും ഇടപാടുകളും ഓണ്‍ലൈനില്‍ നടത്തി. മാര്‍ച്ച് ഒന്നിന് അവസാനിച്ച സേവനങ്ങളുടെ സാധുതയും സര്‍ക്കാര്‍ നീട്ടിയിട്ടുണ്ട്. പ്രധാനപ്പെട്ട പ്രോജക്ടുകള്‍ക്ക് താല്‍ക്കാലിക ലൈസന്‍സ് ലഭിക്കും. ഏപ്രില്‍ 1 മുതല്‍ രേഖകളും പെര്‍മിറ്റുകളും ലൈസന്‍സും വാണിജ്യ രേഖകളും ഉള്‍പ്പെടെ എല്ലാ സര്‍ക്കാര്‍ സേവനങ്ങളും മൂന്ന് മാസത്തേക്ക് ഓട്ടോമാറ്റിക്കായി പുതുക്കും. യുഎഇയിലെ പൗരന്മാര്‍ക്കും താമസക്കാര്‍ക്കും മേലുള്ള സമ്മര്‍ദ്ദം കുറയ്ക്കുകയാണ് നടപടികളുടെ ലക്ഷ്യം. അത്യാഹിതങ്ങള്‍ ഉള്‍പ്പെടെ ഏത് സമയത്തും രാജ്യത്ത് ആവശ്യത്തിന് ഭക്ഷ്യവിതരണം ഉണ്ടെന്ന് ഉറപ്പാക്കുന്നതിന് രാജ്യം ഒരു പുതിയ നിയമം പാസാക്കി. ചില്ലറ വ്യാപാരികള്‍ക്ക് അവരുടെ സാധനങ്ങളുടെ ലഭ്യത ഉറപ്പുവരുത്താന്‍ നിയമം ആവശ്യപ്പെടുന്നു. ഭക്ഷ്യവസ്തുക്കള്‍ അനാവശ്യമായി പൂഴ്ത്തിവെക്കുകയോ അല്ലെങ്കില്‍ നിയമത്തിന്റെ ചട്ടങ്ങള്‍ പാലിക്കാത്ത വ്യാപാരികള്‍ക്ക് പിഴ ചുമത്തും. രാജ്യത്തെ ഭക്ഷ്യവിതരണം നിയന്ത്രിക്കുന്നതിനായി 2020 ലെ ഫെഡറല്‍ നിയമം 3 ന് പ്രസിഡന്റ് ശൈഖ് ഖലീഫ അംഗീകാരം നല്‍കി. ചില്ലറ വ്യാപാരികള്‍ ഉള്‍പ്പെടെ രജിസ്റ്റര്‍ ചെയ്ത എല്ലാ വ്യാപാരികള്‍ക്കും നിയമം പാലിക്കേണ്ടതുണ്ട്. അങ്ങനെ ചെയ്യുന്നതില്‍ പരാജയപ്പെടുന്നവര്‍ക്ക് കനത്ത പിഴയും ജയില്‍ ശിക്ഷയും ലഭിക്കും. സാമ്പത്തിക മന്ത്രാലയം നിയമം നടപ്പാക്കുകയും ദേശീയ അടിയന്തിര പ്രതിസന്ധിയും ദുരന്തനിവാരണ മാനേജ്‌മെന്റ് അതോറിറ്റിയുമായി പ്രവര്‍ത്തിക്കുകയും ഭക്ഷണ വിതരണം ആവശ്യം നിറവേറ്റുന്നുവെന്ന് ഉറപ്പാക്കുകയും ചെയ്യും. ചില്ലറ വ്യാപാരികള്‍ പ്രതിസന്ധി ഘട്ടങ്ങളില്‍ എന്‍സെമ നിര്‍ദ്ദേശിച്ച പ്രകാരം അവരുടെ ഭക്ഷണ സ്റ്റോക്ക് വിതരണം ചെയ്യേണ്ടിവരും.