മയക്കുമരുന്ന് പിടിച്ചെടുത്തു

15

ദുബൈ: ഏഷ്യന്‍ സംഘത്തില്‍ നിന്നും 59 കിലോ ഹെറോയിന്‍, ക്രിസ്റ്റല്‍ മെത്ത് എന്നിവ ദുബൈ പൊലീസ് പിടിച്ചെടുത്തു. കേസില്‍ നാല് പേരെ അറസ്റ്റ് ചെയ്തതായി പൊലീസ് മേധാവി അറിയിച്ചു. കോവിഡ് -19 മുന്‍കരുതല്‍ നടപടികള്‍ മുതലെടുത്ത് മയക്കുമരുന്ന് കടത്താന്‍ സംഘം ശ്രമിക്കുകയായിരുന്നുവെന്ന്് ദുബൈ പൊലീസ് കമാന്‍ഡര്‍ ഇന്‍ ചീഫ് ലഫ്റ്റനന്റ് ജനറല്‍ അബ്ദുല്ല ഖലീഫ അല്‍ മറി പറഞ്ഞു. മയക്കുമരുന്ന് വിരുദ്ധ വകുപ്പിന്റെ തീവ്രശ്രമത്തെ അദ്ദേഹം പ്രശംസിച്ചു.
അത്യാധുനിക ആസൂത്രണവും ഉയര്‍ന്ന പ്രൊഫഷണലിസവുമാണ് പിടിച്ചെടുക്കലിന് സാധ്യമായതെന്ന്് അദ്ദേഹം പറഞ്ഞു. സംഘത്തിന്റെ പ്രവര്‍ത്തനങ്ങളെക്കുറിച്ച് ബന്ധപ്പെട്ട വകുപ്പിന് വിവരം ലഭിച്ച നിമിഷം മുതല്‍ റെയ്ഡ് വരെ സംഘത്തിന്റെ നീക്കങ്ങള്‍ സൂക്ഷ്മമായി നിരീക്ഷിക്കാന്‍ ഞങ്ങളുടെ ഉദ്യോഗസ്ഥര്‍ക്ക് കഴിഞ്ഞതിനാല്‍ ഈ പ്രവര്‍ത്തനം വലിയ സാധ്യതകളെ ഉയര്‍ത്തിക്കാട്ടുന്നതായും ജനറല്‍ അല്‍ മറി പറഞ്ഞു. യുവാക്കള്‍ക്കിടയില്‍ മയക്കുമരുന്ന് പ്രചരിപ്പിക്കാന്‍ ശ്രമിച്ച ഗുണ്ടാസംഘങ്ങളെക്കുറിച്ച് ജനറല്‍ മയക്കുമരുന്ന് വിരുദ്ധ വകുപ്പിന് വിവരം ലഭിച്ചതായി ദുബൈ പൊലീസിലെ ക്രിമിനല്‍ ഇന്‍വെസ്റ്റിഗേഷന്‍ അഫയേഴ്സ് അസിസ്റ്റന്റ് കമാന്‍ഡര്‍ ഇന്‍ ചീഫ് മേജര്‍ ജനറല്‍ ഖലീല്‍ ഇബ്രാഹിം അല്‍ മന്‍സൂരി വെളിപ്പെടുത്തി. മയക്കുമരുന്ന് വിരുദ്ധ സംഘം കുറ്റവാളികളെ യഥാസമയം അറസ്റ്റ് ചെയ്യുകയും 26 കിലോ ഹെറോയിന്‍, 33 കിലോ ക്രിസ്റ്റല്‍ മെത്ത് എന്നിവയുള്‍പ്പെടെ 59 കിലോ അനധികൃത മയക്കുമരുന്ന് പിടിച്ചെടുക്കുകയും ചെയ്തു-മേജര്‍ ജനറല്‍ അല്‍ മന്‍സൂരി പറഞ്ഞു.
സംഘത്തിന്റെ പ്രവര്‍ത്തനങ്ങളെക്കുറിച്ചുള്ള വിവരങ്ങള്‍ ലഭിച്ച ശേഷം മയക്കുമരുന്ന് ഇടപാടുകാരനെയും കൂട്ടാളികളെയും 12 ദിവസത്തേക്ക് നിരന്തരമായ നിരീക്ഷണത്തിലാക്കി. ഈ കാലയളവില്‍ എല്ലാ ഗുണ്ടാസംഘങ്ങളെയും മയക്കുമരുന്ന് കൈകാര്യം ചെയ്യാന്‍ ഉപയോഗിച്ച വാഹനങ്ങളെയും പൊലീസ് തിരിച്ചറിഞ്ഞു.