ദുബൈ: ദുബൈ എമിറേറ്റിലെ വിദ്യാര്‍ത്ഥികള്‍ക്കുള്ള പാഠപുസ്തകങ്ങള്‍ സ്‌കൂളുകളില്‍ നിന്നും ലഭ്യമാകും. ദുബൈയിലെ നോളജ് ആന്റ് ഹ്യൂമന്‍ ഡെവലപ്‌മെന്റ് അതോറിറ്റി അടുത്തിടെ അതിന്റെ വെബ്പേജായ സവറമ.ഴീ്.മല/ലി/മെളല്യേമെേരവീീഹെ ല്‍ പൊതുവായ ചോദ്യങ്ങളെയും പുതിയ സംഭവവികാസങ്ങളെയും കുറിച്ചുള്ള അപ്ഡേറ്റുകള്‍ക്കായി സജ്ജമാക്കിയിരുന്നു. അടുത്ത അറിയിപ്പുണ്ടാകുന്നതുവരെ എല്ലാ വിദ്യാഭ്യാസ ദാതാക്കളെയും എല്ലാതരം പേപ്പര്‍ മെറ്റീരിയലുകളും വിദ്യാര്‍ത്ഥികള്‍ക്ക് കൈമാറാന്‍ പാടില്ലെന്ന സര്‍ക്കുലര്‍ ഇറക്കിയിരുന്നു.
എന്നാലിപ്പോള്‍ കര്‍ശനമായ ആരോഗ്യ-സുരക്ഷാ മാര്‍ഗ്ഗനിര്‍ദ്ദേശങ്ങള്‍ പാലിച്ചുകൊണ്ട്, വിദൂര പഠന കാലയളവില്‍ പുതിയ പാഠപുസ്തകങ്ങള്‍ വിതരണം ചെയ്യാന്‍ സ്‌കൂളുകളെ അനുവദിച്ചിരിക്കുന്നു. കെഎച്ച്ഡിഎ ഓണ്‍ലൈനില്‍ പറയുന്നു-സ്‌കൂളുകള്‍ പുസ്തകങ്ങള്‍ നേരിട്ട് വിതരണം ചെയ്യുകയോ അവ ഏറ്റെടുക്കാന്‍ മാതാപിതാക്കളോട് ആവശ്യപ്പെടുകയോ ചെയ്യാം. രണ്ട് സാഹചര്യങ്ങളിലും, കര്‍ശനമായ ആരോഗ്യ, സുരക്ഷാ മാര്‍ഗ്ഗനിര്‍ദ്ദേശങ്ങള്‍ പാലിക്കേണ്ടതുണ്ട്. പുസ്തകങ്ങള്‍ പാക്കേജുചെയ്യുമ്പോഴും വിതരണം ചെയ്യുമ്പോഴും സ്‌കൂളുകള്‍ ഈ മാര്‍ഗ്ഗനിര്‍ദ്ദേശങ്ങള്‍ പാലിക്കണം. പുസ്തകങ്ങള്‍ കൈമാറുകയാണെങ്കില്‍, അവ ഒരു മുതിര്‍ന്നയാള്‍ സ്വീകരിക്കണം. പുസ്തകങ്ങള്‍ കൈമാറ്റം ചെയ്യുമ്പോള്‍ ഡെലിവറി ഡ്രൈവറും മുതിര്‍ന്നവരും മാസ്‌കുകളും കയ്യുറകളും ധരിക്കണം. ഡെലിവറി നടന്ന ശേഷം രസീത് ഓണ്‍ലൈനായി അയയ്ക്കും. ഈ നിയന്ത്രണങ്ങളെക്കുറിച്ച് സ്‌കൂളുകള്‍ക്ക് നിര്‍ദേശങ്ങള്‍ നല്‍കിയിട്ടുണ്ട്.
