ഇഫ്താര്‍ സമയത്തുള്ള പീരങ്കി വെടി ഈ വര്‍ഷവും തുടരും

38

ദുബൈ: കൊറോണ വൈറസ് പടരാതിരിക്കാനുള്ള മുന്‍കരുതല്‍ നടപടികളുടെ ഭാഗമായി വിശുദ്ധ റമദാന്‍ മാസത്തില്‍ ഇഫ്താര്‍ സമയം പ്രഖ്യാപിക്കുന്നതിനുള്ള പീരങ്കി വെടിവയ്പ്പ് ചടങ്ങ് ഈ വര്‍ഷവും തുടരും, പക്ഷേ കാണികളുണ്ടാവില്ല. റമദാന്‍ പീരങ്കികള്‍ക്കായി ഈ വര്‍ഷം ഒന്‍പത് സൈറ്റുകള്‍ തിരഞ്ഞെടുത്തുവെന്ന് സപ്പോര്‍ട്ട് യൂണിറ്റ് കമാന്‍ഡിലെ കേണല്‍ താലിബ് അബു താലിബ് വ്യക്തമാക്കിയിരുന്നു.
റമദാന്‍ പ്രഖ്യാപിച്ചതിന് തൊട്ടുപിന്നാലെ സപ്പോര്‍ട്ട് യൂണിറ്റ്‌സ് കമാന്‍ഡിലെ സെറിമോണീസ് സ്‌ക്വാഡ്രണ്‍ മൂന്ന് റൗണ്ട് വെടിവച്ചു. ഇഫ്താര്‍ സമയം പ്രഖ്യാപിക്കുന്നതിനായി സ്‌ക്വാഡ്രണ്‍ എല്ലാ ദിവസവും ഒരു റൗണ്ട് വെടിവയ്ക്കും. വിശുദ്ധ മാസാവസാനം ഈദ് അല്‍ ഫിത്തറിനെ പ്രഖ്യാപിക്കാന്‍ മൂന്ന് റൗണ്ടുകള്‍ വെടിവെക്കും. 1970 ല്‍ അന്നത്തെ അബുദാബി പ്രതിരോധ സേനയാണ് പീരങ്കികള്‍ സേവനത്തില്‍ പ്രവേശിച്ചത്. സപ്പോര്‍ട്ട് യൂണിറ്റ് കമാന്‍ഡിനുള്ളില്‍ സെറിമോണീസ് സ്‌ക്വാഡ്രണ്‍ പുന:സംഘടിപ്പിച്ച ശേഷം 2014 ല്‍ ഇഫ്താര്‍ സമയം പ്രഖ്യാപിക്കാനുള്ള ഒരു മാര്‍ഗമായി ഇത് വീണ്ടും അവതരിപ്പിച്ചു.