മുക്കം: ലോക്ക് ഡൗണ്‍ മൂന്നാം ഘട്ടത്തിലേക്കു കടന്ന ഇന്നലെ വിവിധ മേഖലകളില്‍ കൂടുതല്‍ ഇളവുകള്‍ നല്‍കിയതോടെ അങ്ങാടികള്‍ക്കു പുതുജീവന്‍. കടകള്‍ തുറന്നതിനാല്‍ മലയോര മേഖലയില്‍ മുക്കം, തിരുവമ്പാടി, കൂടരഞ്ഞി തുടങ്ങിയ പ്രധാന കേന്ദ്രങ്ങളെല്ലാം സജീവമായിരുന്നു. വാഹനങ്ങള്‍ ധാരാളമായി നിരത്തിലിറങ്ങി. കടകളിലെല്ലാം ആളുകള്‍ സാധനങ്ങള്‍ക്കായെത്തി. അതേസമയം പലയിടങ്ങളിലും മുഖാവരണം ധരിക്കാതെയും സാമൂഹ്യ അകലം പാലിക്കാതെയുമൊക്കെയുള്ള ജനങ്ങളുടെ ഇടപെടലുകള്‍ ആശങ്ക പരത്തുന്നതായിരുന്നു.
