റിയാദ്: കൊവിഡ് ബാധിച്ച് മലയാളി സൗദി അറേബ്യയിലെ അല്‍ഖര്‍ജില്‍ നിര്യാതനായി.വിതുര മേമല സുന്ദര വിലാസത്തില്‍ സുന്ദരേശന്‍ ആശാരി (ഉണ്ണി -54) ആണ് മരിച്ചത്. അല്‍ഖര്‍ജ് ദിലം ഇന്‍ഡസ്ട്രിയല്‍ സിറ്റിയിലെ ഒരു കമ്പനിയില്‍ ജീവനക്കാരനായിരുന്നു. പക്ഷാഘാതം പിടിപെട്ട് ആശുപത്രിയില്‍ പ്രവേശിപ്പിച്ച അദ്ദേഹത്തിന്റെ കൊവിഡ് പരിശോധനയില്‍ റിസള്‍ട്ട് പോസിറ്റീവ് ആയിരുന്നു. 20 വര്‍ഷമായി സൗദിയിലുള്ള സുന്ദരേശന്‍ നാല് വര്‍ഷം മുമ്പാണ് നാട്ടില്‍ പോയി തിരിച്ചു വന്നത്. പിതാവ്: ഗണേശന്‍ ആശാരി, മാതാവ്: ചെല്ലമ്മാള്‍. ഭാര്യ: ശ്രീകുമാരി. മക്കള്‍: സൂര്യ, സാന്ദ്ര. അല്‍ഖര്‍ജ് കിങ് ഖാലിദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം സംസ്‌കരിക്കാനുള്ള നടപടിക്രമങ്ങളുമായി അല്‍ഖര്‍ജ് കെഎംസിസി വെല്‍ഫെയര്‍ വിങ് രംഗത്തുണ്ട്
