കൊറോണക്കെതിരായ പോരാട്ടത്തില്‍ അണിനിരന്ന് ജോയ് ആലുക്കാസ്

28
തൃശ്ശൂര്‍ മെഡിക്കല്‍ കോളജ് ആശുപത്രിയില്‍ ഉടന്‍ നടപ്പാക്കാനുദ്ദേശിക്കുന്ന ഐസിയു വികസന പ്രക്രിയക്ക് ആവശ്യമായ 50 ലക്ഷം രൂപയുടെ ചെക്ക് ജോയ് ആലുക്കാസ് ഗ്രൂപ് ചെയര്‍മാന്‍ ജോയ് ആലുക്കാസ് മെഡിക്കല്‍ കോളജ് പ്രിന്‍സിപ്പല്‍ ഡോ. ലോലാ ദാസിന് കൈമാറുന്നു

തൃശ്ശൂര്‍/ദുബൈ: തൃശ്ശൂര്‍ മെഡിക്കല്‍ കോളജ് ആശുപത്രിയില്‍ ഉടന്‍ നടപ്പാക്കാനുദ്ദേശിക്കുന്ന ഐസിയു വികസന പ്രക്രിയക്ക് ആവശ്യമായ 50 ലക്ഷം രൂപയുടെ ചെക്ക് ജോയ് ആലുക്കാസ് ഗ്രൂപ് ചെയര്‍മാന്‍ ജോയ് ആലുക്കാസ് മെഡിക്കല്‍ കോളജ് പ്രിന്‍സിപ്പല്‍ ഡോ. ലോലാ ദാസിന് കൈമാറി. ഈ സംരംഭം 38 പുതിയ ഐസിയു കിടക്കകളാണ് സജ്ജമാക്കുക. ഒരാഴ്ച കൊണ്ട് പുതിയ ഐസിയു ബ്‌ളോക്കിന്റെ നിര്‍മാണം പൂര്‍ത്തിയാക്കാനാണ് ഉദ്ദേശിച്ചിട്ടുള്ളത്.
ഡോക്ടര്‍ സംഘത്തിന്റെ പ്രത്യേക അഭ്യര്‍ത്ഥന മാനിച്ചാണ് ജോയ് ആലുക്കാസ് ഫൗണ്ടേഷന്‍ ഈ ദൗത്യം ഏറ്റെടുത്തത്. ഇതിനായി സംഘടിപ്പിച്ച യോഗത്തില്‍ പ്രിന്‍സിപ്പല്‍, സൂപ്രണ്ട്, ഡോ. ബിജു കൃഷ്ണന്‍, ഡോ. നിഷ, ഡോ. രണ്‍ദീപ്, ഡോ. രവീന്ദ്രന്‍, ഡോ. ഷംഷാദ് ബീഗം തുടങ്ങിയവര്‍ പങ്കെടുത്തു. ജോയ് ആലുക്കാസ് ചെയര്‍മാന് പുറമെ, ജോയ് ആലുക്കാസ് ഫൗണ്ടേഷന്‍ ചീഫ് കോഓര്‍ഡിനേറ്റര്‍ പി.പി ജോസ്, ടി.എ ജോര്‍ജ് തുടങ്ങിയവരും സിഹിതരായിരുന്നു. ഒരാഴ്ച കൊണ്ട് പുതിയ ഐസിയു ബ്‌ളോക്കിന്റെ നിര്‍മാണം പൂര്‍ത്തിയാക്കാാനാണ് തീരുമാനം. യോഗത്തില്‍ വേദനിക്കുന്ന രോഗികള്‍ക്ക് സമാശ്വാസം പകരുന്ന ഒരു പുതിയ പദ്ധതിക്കു വേണ്ടി 15 കോടി രൂപ വരെ സംഭാവന നല്‍കാന്‍ ജോയ് ആലുക്കാസ് ഫൗണ്ടേഷന്‍ സന്നദ്ധമാണെന്ന് ചെയര്‍മാന്‍ പ്രഖ്യാപിച്ചു.